الرئيسية الأولى

الأحد,17 يوليو, 2016
على هامش الانقلاب .. حوار بين اب وابنته

-بابا شنو الحس الكل البارح نسمع فيه ؟

الجيش عمل انقلاب في تركيا

-وقتاش ؟

اليوم الفجر ..

-زعمة يسيطر على المؤسسات الحساسة ؟

سيطر عليها

-وقتاش ؟

اليوم الفجر

-مالا مزال ليه كان البيان الاول

اذاعو

-وقتاش ؟

اليوم الفجر

-تو يزيدوا نهار اثنين ويسكروا المطارات ..

سكروها

-وقتاش؟

اليوم الفجر

-ما يفوتوش غدوة بعد غدوة ويعلنوا الاحكام العرفية ..

 اعلنوها

– وقتاش ؟

اليوم الفجر

-نتصور الشعب التركي ما يسكتش ، يمتص الضربة شهير اثنين تو يبدا مسيراتو ؟

بدا ..

-وقتاش ؟

اليوم الفجر

-والله كانهم رجال تو ما يفوتش 6 اشهر ويخلخلوه الانقلاب ؟

خلخلوه

-وقتاش ؟

اليوم الفجر

-مالا اذا وقفوا وقفت احرار وصبروا للخسائر البشرية تو مع الوقت يطيح الانقلاب..

طيحوه

-وقتاش ؟

اليوم الفجر

مالا نترقبوا في كل لحظة خروج اردوغان باش يلقي كلمة بعد ما يأمنوا العاصمة ..

خرج 5 مرات

-وقتاش ؟

اليوم الفجر

-مالا تو تتعبا الساحات والميادين عاد ..

تعبت وفرغت ولموا وسيقوا ..

-وقتاش ؟

اليوم الفجر

بحذاهم امو كبيرة تسمع وماهي فاهمة شيئ ، قاتلو : بُولِلِّو……في بالها حِجَّاية .