رياضة

السبت,13 أغسطس, 2016
رفع الوزن الاسطوري .. كسر كل الارقام ..أخذ الذهب

الشاهد_ لاعب كازاخستاني في رفع الاثقال وزن 73 كيلو مش مرشح انه يكسب لا ذهب ولا فضة … بينافس علي البرونز

 اتأخر في منافسات الخطف عن اللاعب الصيني الذهبي ب12 كيلو كاملين علما بأن اللاعب الصيني اصلا كسر الرقم الاوليمبي و العالمي اللي هما كانوا بتوعه برضه و رفع 177 كيلو يعني بيلاعب اسطورة من اساطير رفع الاثقال و صاحب ذهبية لندن 2012 بفرق رهيب عن التاني
جه في منافسات الكلين و النطر و رفع 202 كيلو قام اللاعب الصيني رافع 202 كيلو اللي هو خلص الموضوع و احتفل بالدهب فعلا … دا كدا فارق عن الكازخستاني ب12 كيلو كاملين …

قام الكازخستاني طالب 214 كيلو علما بان الرقم الاوليمبي علي مدار التاريخ 207 كيلو و الرقم العالمي 210 كيلو و دول كانوا مسجلين باسم اللاعب الصيني دا برضه .. اللي هو بيهزر يعني و كل الناس عارفه انه داخل يهزر حتي مدربه نفسه … دخل البيه بمنتهي الثقة …

و رفع الوزن الاسطوري دا بمنتهي الثبات و كسر كل الارقام و خد الدهب من بق الاسد و نزل سجد علي الارض و فضل يصرخ الله اكبر و عيط كل اللي في الصالة اللي مكنش مخلوق فيهم يتوقع انه ممكن يشيل كيلو زيادة اساسا عن 202 كيلو اللي شالهم قبل كدا خصوصا ان الرقم اللي كان محتاجه عشان يعدي الصيني مش رقم منطقي و متشالش قبل كدا في الوزن دا ولا حتي رقم قريب منه …. بيتهيئلي دي امتع و اجمل قصة ميدالية ذهبية لغاية دلوقتي في اوليمبياد ريو و بيتهيئلي من اجمل النهايات علي الاطلاق و اكثرها استحالة !!